2022-06-04 22:38:58
ئێرانەگەی جاران نەمەن
دیار
ڕزا پە‌ڵەوی لە تازە ترین دەرکەفتنی لە میدیاگان، کۆمەڵییگ باس و بابەت تیەرێدە وەرەو ک هیچ کامیان نوو نین و وە شێوازییگ قسە کەی ک چمانی خاون ئێرانە و لە دوورەو نیشتیە و ئامووژاری مەردوم کەی.
لە قسەگانێ ڕزا پەهڵەوی ئەڕامان وە خاسی دەرکەفێد ک ئەو کەسایەتییە خوەنین درووسییگ لە ئێران و زەین خەڵق نەیرێد و هێمان ها تەوەهوم دەسەڵات شاهەنشاهی و وە عەقڵیەتییگ فاشیستی و کولونیالیستی ڕێ چارە دەی ئەڕای خەڵق.
مەردومان ئێران، شێواز دەسەڵاتداری پەهڵەوی وە چەو خوەیان دینە و وە خاسی زانن ک گرفتەگانێ دەسەڵاتداری شاهەنشاهی چەس و چ قەیرانەیلییگ ها شوونێ و یکجار ئەڕای هەمیشە بڕیار دان ک ئەو شێوازە لە دەسەڵات نەمینێد، هەرچەن ئیسکەیش ڕێژیم جومهوری ئسلامی لەسەر ئەساس ئەو عەقڵیەتە فاشیستییە و بەرنامە و پرۆژەگانێ پەهڵەوی ئەڕای داگیرکاری چوودە وەر وەلی شوڕش ساڵ ٥٧ وە خاسی نیشان دا ک سیستم شاهەنشاهی ئەو دەسەڵاتە نیییە ک مەردوم خوازیارن.
لە لای تریش بایس خوەنینیگ داشتوویمن ئەڕای کۆمەڵگای ئمڕووژ ئێران و نەتەوەگان ناو ئی جوغرافیای سیاسییە:
یەکم ئەوەسە ک رەوت زەمان و وەرەو نوا چین و چالاکی خەڵق و ئوپوزیسیون ئێران بیەسە بایس یە ک نەتەوەگان دی جوور جاران ڕێ نیەنە هیچ دەسەڵاتییگ ک وە داگیرکاری و عەقڵیەت فاشیستی بتوای وەریەووەری بکەید و دیکتاتورانە بڕیار لەسەر خەڵق بییەی.
لە نموونە وەرچەو و نیزیکەگان ناڕزایەتی مەردوم ئابادانە و پاڵپشتی نەتوەگانێ ترەکە لە نەتەوەی عەرەب لە ئێران و لە شوعارەگانی وە خاسی دیارە ک ئەو نەتەوە وە ماف ڕەوای خوەی زانێد ک ئازادانە ژیان بکەن و فەقر و ژارییگ ک وە مدووی دەسەڵاتداری مەرکەزگرا تووشیان بییە نەمینێد و جوور نەتەوەییگ بنووڕنە پێان.
هەرچەن لە دریژەی دەسەڵاتداری هەر دو ڕێژیم پەهڵەوی و ڕێژیم جومهوری ئسلامی نەتوەی کورد وە بەردەوامی نە وەتییە وە داگیرکاری و موبارزە کردێە ئەڕای ئازادی و جیگیر کردن دموکراسی و فرەجار وە تەنیا مەنییە، وەلی ئێرنگە گشت نەتەوەگانێ ئێران باوەڕ وە یەکتر دەرن و ناسیونالیزم و دموکراسی بیەسە ڕێ و رێبازیان.
ئەگەر جاران تەنیا چاویان لە ناوڕاس ئێران بی و لەورە هەرچی باس و بابەتە وە زووری ئەڕایان دیکتە بیاد، ئێرنگە توان خوەیان بەشدار بوون لە دەسەڵات، ک ڕزا پەهڵەوی هیچ باسییگ لەسەر نەتەوەگان نیەکەی و هیمان ئێرانییگ توای ک یک نەتەوە و یک زوان بوو و ئەو لە دەربار شا بوود و لە دەیشت دەربار گشتی ڕەعیەت.
لە دووخ سیاسی ئیسکەی ئێران و زەینیەتێ گشتی نەتەوەگان ئێران ک تەقەلا کەن ئەڕای ڕماننێ دەسەڵاتداری ڕێژیم جومهوری ئسلامی و باناییگ ئازاد ها وەرێ چەویان، وە بەردەوامی باس لەوە کریەی ک چ دەسەڵاتییگ لە ئیران بوو ک گشت خوەیان وە خاونی بزانن.
لەی ناوە دموکراسی و فدرالیزمە ک فرەترین زووم هالەسەری و بەش فرەییگ لە خەڵق وە ڕی چارە زاننێ، هەرچەند کەسییگ جوورێ ڕزا پەهڵەویش باس لە د،وکراسی کەی و ئازادی وە ڕێ چارە زانێد، وەلی هێمان کووم کەی ک باس لە نەتەوە ترک بکەید و مەنن خوەی و ئەو عەقڵیەتە وە چینە دویا وەرەو سەد ساڵ پیش زانێد.
وە دڵنیایی دموکراسی و ئازادی وە مانای ڕاسکانی خوەی وەختییگ لە ئێران جیگیر بوو ک گشت نەتەوەگان بەشدار بوون لە دەسەڵات و خوەیان دیاری بکەن ک چ سیستمییگ لەسەر ئەو جوگرافیای سیاسییە زال بوود و ئەو وەختیشە ڕزای پەهڵەویش توینێد باس لە سیستم پاشایی بکەید و دەنگدان گشت چشتییگ دیاری بکەید.
وە گشتی ئەو ئیرانییگ ک ئێمەی کورد وە تایبەتی و نەتەوگانێ ترەک باس وەلێ کەن فرە جیاواز وەگەردێ ئیرانییگ ک ڕێژیم جومهوری ئسلامی و پەیڕەویلێ پەهڵەوی دوێننەی و لە ڕاسی ئەو ئێرانە دی نەمەنییە و ئرادەی خەڵق و ناسینالیزم نەتەوەیی ڕێگرە لە عەقلیەت فاشیستی و داگیرکاری و وە تاڵان بردن ئەڕای ئاوەدان کردنێ ناوڕاس ئێران.
: @Rasaneshaxushar
346 views19:38
ڕ
پورنو در تلگرام » 
